مجموعة منوعة من تجارب الشراء من موقع أي هيرب بالعربي

أحدث المشاركات

إعلان أعلى المشاركات

الأحد، 4 سبتمبر 2016

تجربة شراء منتجات تجميل وزيوت من موقع اي هيرب

تجربة شراء من موقع الاعشاب المميز اي هيرب ( ايهيرب ) عبارة عن منتجات تجميل وبعض الزيوت

المنتج الأول :
Herbal - Vedic, Chandrika, Ayurvedic Soap Bar, 2.64 oz (75 g)


صابون هندي صناعة يدوية ومكوناته كلها من زيوت نباتية، مدري ليش مو كاتبين المكونات بالتفصيل في الموقع !
المهم اشتريته هدية لأخويه (هدية بدولار يا الظالمة خخخخخ) وعجبه، ريحته قوية مدري كيف حسيتها تشبه الديتول  انا أووووول ما شميته ما عجبني بس بعدين بالعكس حسيتها ريحة نظافة.


المنتج الثاني :


صابون بالليمون مدري ليش اشتريته صراحة مني محتاجة صابون
المهم مكتوب انه كويس للتقشير والتفتيح لكنه احتمال ما يناسب اللي بشرتهم شديدة الجفاف، لين الحين ما جربته ومدري متى بجربه.
 

 
المنتج الثالث :


مزيل رائحة العرق
هذا حجمه صغير خاص بالسفر، سعره رخيص فقلت أجربه.
مكوناته طبيعية تماما، بدون عطور.
مكتوب في المكونات على العلبة: أملاح معدنية طبيعية
طريقته غريبة جدا، هو عبارة عن تقريبا قطعة حجرة، إيوا من جد حجرة أسطوانية مثبتة وسط العلبة ولونها أبيض، تبلل طرفها من فوق بشوية موية وتستخدمها على نظافة.
استخدمته مرة وحدة وكانت تجربة جيدة بصراحة، مع اني ما جربته للدوام، لكن عموماً انصح بشراء الحجم الصغير كتجربة.


 
المنتج الرابع :


كوب زجاجي للشاي مع غطا وصفاية

  كنت متحمسة له، وبصراحة تغليفهم له كان رائع، يعني محطوط لحاله في كرتونة وملفوف من جوه بورق الفقاعات،

هو بصراحة قزازته خفيفة لكن والله ماني ندمانة اني طلبته لأن سعره رخيص بعد التخفيض وكفاية الكاسة والغطا كشخة وعندي صفاية من زمان مناسبة له.



الزيوت الخاصة بالبشرة:
اشتريت 3 زيوت، كلها تستخدم بطريقتين: تدهن بها البشرة كمصل (سيروم) وأفضل وقت يكون بعد تنظيف البشرة قبل النوم، أو تضاف كمية مناسبة منها إلى أي كريم وتخلط جيدا لزيادة فائدة الكريم.
أنا أستخدمها بالطريقتين.

الزيت الاول :



زيت فيتامين هـ مركز جدا جدا جدا بالاضافة إلى مستخلصات 7 زيوت مغذية للبشرة.
ميزته إن قوامه ثقيل شوية، بين الجل والزيت تقريبا، وهو كان السبب الأساسي اللي خلاني أطلب من الموقع، عندنا ما تلقين إلا كبسولات فيتامين هـ استخدامها يطفش غير إن تركيزها عادي.
فوائده اللي شفتها إلى الآن: ترطيب رااااائع جدا والبشرة واضح انها متغذية
ما ندمت أبببدا إني طلبته، وناوية أطلب زيادة إذا خلص بإذن الله.
 


هذا نفس اللي فوق بس سعته أكبر وتركيزه أقل مع مستخلصات 5 زيوت، قوامه زي أي زيت، بصراحة المرة الجاية بطلب المركز فقط.



الزيت الثاني
Derma E, Anti-Wrinkle Vitamin A & E Treatment Oil, 2 fl oz (60 ml)

زيت فيتامين أ ومعاه شوية فيتامين هـ، فيتامين أ معروف إنه مجدد للخلايا ويحفز إنتاج الكولاجين.
مكوناته: زيت دوار الشمس (أظنه غني بفيتامين أ ) وفيتامين أ وفيتامين هـ ، وفعلا ريحته تشبه ريحة زيت دوار الشمس.
فوائده اللي شفتها إلى الآن: ترطيب جيد لكن مو قد هـ ، لكن هو أيضا مستحيل استغني عنه.
ملاحظة: سعره الأصلي 12 دولار بس أنا أخذته الحين عليه تخفيض بـ 8 دولار، مادري بصراحة إذا كنت مستعدة أشتريه بسعره الأصلي
عبوته زجاجية، استخدامها حسيته صعب، يعني نفس علب الزيوت العادية فصعب تستخدمي كمية بسيطة بدون ما ينكب عليك شوية بالغلط، أنا أستخدم معاه قطارة.


المنتج السابع :
Now Foods, Vitamin C Crystals, 8 oz (227 g)


بودرة فيتامينC  ج  :
فيتامين ج صافي بدون إضافات وفي صورته الفعالة (حمض الإسكورربيك) .
هو أساسا مكمل غذائي، تضاف ملعقة شاي منه إلى العصير أو الماء، لكني اشتريته للبشرة.
(جربت أذوقه مع المويه، طعمه حامض جدا مه مراره)
فيتامين ج مشكلته انه سريع التأكسد إذا كان معاه موية أو رطوبة، عشان كذا أي منتج للبشرة يحتوي عليه لازم تكون معاه مواد حافظة بالهبل وفي النهاية سعره غالي جدا، لكن البودرة ما فيها موية وبالتالي ما تحتاج مواد حافظة وسعرها روعة مقارنة بالأمصال الجاهزة.
استخدامه للبشرة: يوضع منه مقدار قليل جدا ويذاب بالماء جيدا ثم تستخدم كرات القطن لدهن البشرة (انا أحطه في بخاخ صغير عشان يسهل استخدامه لكامل الجسم) ولما ينشف لازم نحط مرطب عميق بعده، والأفضل أن تستخدم الكمية المحضرة في مدة لا تزيد عن يومين، استخداماته التجميلية بصفة عامة نفس استخدامات الليمون.
سين سؤال: ليش ما نستخدم حبوب الفوار العادي؟يعني نطحنها ونستخدمها بنفس الطريقة؟
جيم جواب: انا قد بحثت عن هذا الموضوع ولقيت بعض الناس والمختصين تتكلم عن إن الحبوب احتمال تحتوي على مواد خاصة بالجهاز الهضمي وعملية الهضم بصفة عامة، يعني مثلا مواد تحسن الطعم وكذا، انا قد سمعت كثير عن ناس تستخدم حبوب الفوار بعدما تطحنها لكن كذا كذا أنا بطلب من الموقع فطلبتها

فوائدها اللي شفتها بعد استخدام واحد: نعومة في البشرة.
ملاحظة: معروف عن فيتامين ج إنه مقشر طبيعي، فممكن يلسع شوية بعد الاستخدام خاصة إذا البشرة حساسة أو فيها جروح. 


الى لقاء آخر مع تجربة شراء اخرى من موقع الاعشاب اي هيرب

ليست هناك تعليقات:

إرسال تعليق

Post Top Ad

إعلانك هنا
ااااااااااااااا

روابط الصفحات الاخرى

عن الموقع

اقوم بعرض افضل منتجات موقع اي هيرب بالعربي حسب ما تم وصفة في الموقع وحسب تجارب المشترين وجسب تجاربي انا شخصياً .

أخترنا لكم